Kategori: Nyhende

Forum for oppvekst i Sunnhordland står fram som ein viktig arena for samarbeid og utvikling i oppvekstsektoren i regionen. Arbeidet dette året har vore prega av omstilling, utvikling og tett samarbeid på tvers av kommunar og fagområde. Det er lagt eit solid grunnlag for vidare utvikling av kvalitet, kompetanse og heilskaplege tenester for barn og unge i åra som kjem.

Her finn du nyttig informasjon til gjennomføring av munnleg eksamen i FOS-regionen:

Oppdaterte satsar 01.06.2026

Eksamen | udir.no

Tysdag 28. oktober var leiarar frå oppvekstsektoren i FOS-regionen samla ved Stord konferansesenter for å lytte til og reflektere rundt føredrag ved Paul Otto Brunstad. Temaet for dagen var korleis me kan ta vare på oss sjølve og kvarandre – for å kunne ta betre vare på elevar, born og kollegaer.

Brunstad utfordra oss til å snakke sant om det som er vanskeleg og krevjande, som ein veg til å kunne gi ekte omsorg – både til oss sjølve og til andre. Dagen gav rom for viktige refleksjonar og samtalar om leiarskap, fellesskap og det å stå i krevjande roller over tid.

Onsdag 13. august arrangerte FOS og HVL fagdag for SFO-tilsette i Sunnhordland. Dette var del av ei samlingsrekke som skal styrke kompetansen og bidra til at dei tilsette kjenner seg godt rusta til å utføre sitt viktige samfunnsoppdrag.

Dagen starta med erfaringsdeling frå dei ulike SFO-einingane, før deltakarane deltok i praktisk gruppearbeid knytt til naturleikeplass, dans, drama og musikk.

Me ser fram til neste samling i januar!

Her finn de idéhefte for naturleikeplass, songleikar og dans/drama til nedlasting:

FOS har tilsett Johanne Engevik som ny FOS koordinator frå 13.08.2025. Johanne har skreve litt om seg sjølv og sine tankar om FOS stillinga:

Mitt namn er Johanne Engevik, og eg er både oppvaksen og busett på Stord. Eg er utdanna lærar og har dei siste ti åra jobba i både barnehage og barneskule. No ser eg fram til å ta fatt på ei ny og spanande rolle som FOS-koordinator. Samtidig vil eg halde fram som lærar ved Leirvik skule, og trur det er ein styrke å vere tett på skulekvardagen i arbeidet med FOS.

Eg er takksam for tilliten, og ser fram til å bidra til eit styrka samarbeid på tvers av kommunane i regionen. Eg ønskjer å vere med på å samla trådane og legge til rette for gode prosessar som kan løfte oppvekstsektoren.

Johanne skal jobba 60% som FOS koordinator og halde fram som lærar i 40% stilling på Leirvik skule.

FOS er veldig glade for at Johanne skal komme på laget vårt og me gler oss veldig til at ho kjem i gang til hausten.

Skule- og barnehageåret 2023-2024 starta med at styringsgruppa kunne ønskja to nye medlem velkomne. André Sæthre kom inn som ny etatssjef for oppvekst i Fitjar og Heidi Anita Solheim tok over som oppvekstsjef i Kvinnherad.

Styringsgruppa, Grunnskulegruppa, Barnehagegruppa, Vaksenopplæringsgruppa, Kulturskulegruppa og PPT- gruppa har hatt stabil og god aktivitet dette skule-/barnehageåret. Vidare har fleire nye nettverk og kurs vorte avvikla, mellom anna nettverk for inkluderande praksis i samarbeid med RVTS-Vest og kurs i skriftleg vurdering av tekstar for faglærarar i engelsk og norsk. Styringsgruppa har arbeidd fram ny strategi for arbeidet i FOS som inkluderer ny møtestruktur for ein del av gruppene og signert ny intensjonsavtale med HVL.

FOS sin årlege leiarkonferanse vart gjennomført 07.-08.02. på Quality Maritim hotell i Haugesund. Hovudbidraga var frå Statsforvaltaren i Vestland, Anne Berit Emstad og Sølvi Lillejord, medan Sindre Nyborg, rektor ved Sunde skule i Kvinnherad, og Pål Helland, rektor ved Hystad skule på Stord, sto for dei lokale bidraga. Totalt hadde konferansen 195 deltakarar.

FOS er framleis i partnarskap med to ulike universitetsmiljø kring tilskotsordningane «Regional ordning for kompetanseutvikling i barnehage», «Desentralisert ordning for kompetanseutvikling» og «Kompetanseløftet for spesialpedagogikk og inkluderande praksis». I kompetanseordninga for vaksenopplæringa samarbeider alle FOS-kommunane tett.

Ved skule- og barnehageårets slutt takka Bjørn Håvard Bjørklund for seg som kommunalsjef i Bømlo kommune og vart då også takka av som medlem i styringsgruppa til Forum for oppvekst i Sunnhordland.

Kort oppsummert, kan ein seie at 2023/24 har vore eit år med stabilt aukande aktivitet i FOS.

Datoar for eksamensverkstad (workshop) i munnleg eksamen for skuleåret 24/25 vert:

Tysdag 26.11.- Engelsk

Onsdag 27.11.- Matte/naturfag

Torsdag 28.11.- Norsk, Krle og Samf.fag.

Stad: Stord folkehøgskule

Målgruppe er interne og eksterne sensorar i grunnskulen FOS-kommunane.

Påmelding via fos-sunnh.no frå august.